Лек за смирување: природен седатив кој ја намалува напнатоста и вознемираноста!

Валеријан (Valeriana officinalis) е билка на семејството Caprifoliaceae која се смета за билка седатив и анксиолитик. Нејзиното име потекнува од латинскиот збор valere, што значи „да се биде силен“, или „да се биде добро“.

Тоа е повеќегодишно растение кое расте на влажните ливади во Европа и Азија и може да достигне висина од приближно два метри. Неговите цветови се бели, розови, а понекогаш виолетови.

Уште од 15ти век е познат неговиот смирувачки ефект врз луѓето. Некогаш се подготвувале само чаеви од валеријан, а денес може да се најдат и таблети и капсули.

Покрај смирувачкиот ефект врз централниот нервен систем кај луѓето, се верува дека валеријанот ја регулира работата на срцето, ги намалува грчевите во мускулите и помага при несоница. Исто така во народната медицина се препорачува против напади од мигрена, хроничен замор или како дополнителна помош при одвикнување од пушењето цигари.

Покрај намалувањето на крвниот притисок во некои ситуации, неговата употреба нема други сериозни несакани ефекти. Сепак, со валеријанот не треба да се претера и особено е важно да не се консумира во комбинација со други седативи.

Дали сакате да се опуштите од сè? Направете си чај од валеријан.

Состојки за чај од валеријан:

2,5 грама сушен чај од валеријан

250 мл топла вода

Подготовка:

Потопете го чајот од валеријан со врела вода. Покријте го и оставете го околу 15 минути. Потоа процедете го и полека уживајте во својот чај.

Предупредување:

Не се препорачува да пиете повеќе од три чаши на ден. Сосема е безбедно да се консумира 28 дена, но потоа треба да направите пауза.

Овој чај не се препорачува да го консумираат бремени жени и доилки. Не го пијте чајот пред да возите автомобил или да ракувате машини за кои е потребна концентрација.