МЕНТАЛНИТЕ ПРОБЛЕМИ кај жените поголеми отколку кај мажите поради пандемијата на корона вирусот

17 јуни, 2020
zdravje

Жените се соочуваат со многу поголем број на ментални проблеми од мажи предизвикани од пандемијата, затоа што им е потешко да ги толерираат воведените карантински мерки за борба против корона вирусот, покажа истражувањето.

Научниците од Институтот за социјални и економски истражувања од Универзитетот во Есекс тврдат дека на жените им е потешко да ја толерираат изолацијата, како резултат на карантинските мерки поради вирусот корона.

Оваа студија покажува дека бројот на оние кои имаат барем еден сериозен ментален проблем се зголемил меѓу двата пола по пандемијата.

Кај мажите, бројот на оние со најмалку еден сериозен ментален проблем се зголемил од 7 проценти на 18, а кај жените од 11 на 27 проценти, пренесува The Gardian.