Мрзеливоста е одлика на ИНТЕЛИГЕНТНИТЕ луѓе? Истражувањето ја објасни поврзаноста помеѓу физичката и менталната активност

19 август, 2020
Annotation 2020-08-19 125137

Некои луѓе го користат слободното време скоро исклучиво на своите мисли

Мрзеливоста отсекогаш се сметала за лоша особина, која го задржува човекот во многу животни околности.

Сепак, според една студија, да се биде мрзлив можеби и не е толку лошо!

И не само што не е лошо, туку може да укаже на висок коефициент на интелигенција…

Истражувањето спроведено на Универзитетот во Флорида откри дека интелигентните луѓе често се одмараат, затоа што слободното време го поминуваат со свои мисли, па затоа поретко им е досадно, пишува ddl.rs.

Исто така, оваа студија покажа како активните луѓе користат физичка активност за да го стимулираат умот и дека врската помеѓу знаењето и физичката активност е важно прашање за човештвото, бидејќи таа поврзаност веројатно ќе трае цел живот.

Прво, беа добиени податоци кои објаснуваат како нивото на физичката активност е тесно поврзано со менталното. Така, една студија докажала дека на оние што мислат помалку полесно им станува досадно, и со тоа почесто ги чувствуваат негативните последици што ги носи досадата.

Додека оние што се желни за знаење го немаат тој проблем, затоа што си обезбедуваат доволно ментална стимулација. Со други зборови, тие ја користат здодевноста како можност за продуктивност.

Истражувачите од Универзитетот во Флорида спроведоа експеримент за да ја утврдат врската помеѓу мрзеливоста и интелигенцијата. Избрале 60 студенти, од кои половина биле етикетирани како „оние кои мислат повеќе“, а половина како „оние кои мислат помалку“.

Експеримент

На секое лице му е доделен „актиграфски уред“ што ќе го носат за период од една недела. Уредот ја мери нивната физичка активност со цел да има доволно податоци за анализа.

По 7 дена, студијата ги имаше своите први резултати. Групата „повеќе размислување“ беше помалку активна од другата група, со еден исклучок. Имено, физичката активност и во двете групи не се разликуваше во многу ситуации за време на викендите.

Истражувачите го нарекоа овој феномен „ефект за викенд“, објаснувајќи како тоа може да биде резултат на истражувањето што се спроведува врз студентите. Од друга страна, „ефектот за викенд“ би можел да биде нешто што ќе се промени со возраста и како тоа е нешто што тие имаат намера да го следат.

Сепак, сè треба да се земе со резерва, вклучувајќи ги и овие резултати. Имено, истражувачите сепак додаваат дека премногу одмор за „интелигентните“ луѓе може да има негативни последици по нивното здравје.