ЕВЕ КАКО ДА НАПРАВИТЕ ЗЛАТНИ И СРЕБРЕНИ ЈАЈЦА: Оваа велигденска техника е ХИТ за 2021 година! (ВИДЕО)

Постојано бараме нови начини да ги украсиме велигденските јајца и за сега пронајдовме две комплетно нови техники

Замислете полни чинии со златни и сребрени велигденски јајца? Тоа е најгламурозниот детал од празничната трпеза!

Еве како да направите сребрени јајца:

Потребно е: варено јајце, алуминиумска фолија, белка или органски лепак.

Подготовка: Сварете ги и изладете ги јајцата. Исечете мали парчиња алуминиумска фолија. Во посебен сад, лесно изматете ги белките или користете лепак направен од брашно. Намачкајте го јајцето со белка или лепак со мека четка, а потоа залепете ја фолијата. Исушете ги и ставете ги на масата во сад. Не може да биде поедноставно!

Златни јајца:

Потребно е: варени јајца (кафеави), течна боја на јајца.

Подготовка: Добро измијте ги јајцата со сунѓер и течност за миење садови. Потоа сварете ги во солена вода. Кога ќе се изладат, добро исушете ги. Ставете ја течната, златна боја за јајца на вашите дланки и превртувајте ги јајцата меѓу дланките едно по едно за да добиете доволно златна боја. Направете го тоа два пати, за бојата да биде „поживописна“.

Кога ќе се исушат, распоредете ги јајцата во сад.