ЗАСЛАДЕТЕ СИ ГО ДЕНОТ – Бисквит торта набрзина (РЕЦЕПТ)

Едноставна торта со бисквити што брзо се прави.

Состојки :

500 гр бисквити

4 жолчки

6 лажици шеќер

4 лажици брашно

0,5 л млеко + млеко за потопување бисквити

1 ванилин шеќер

лажица путер

Подготовка:

Половина литар млеко, 4 лажици шеќер и путер ставете ги да зовријат. Измешајте ги жолчките со 2 лажици шеќер, брашно и малку млеко (само за да направите маса што може да ја истурите). Полека истурете ја масата со жолчки во врелото млеко, мешајќи постојано. Гответе околу 2 минути. Оставете да се олади. Натопете ги бисквитите во топло млеко и ставете ги во плех. Премачкајте со изладениот фил и ставете уште еден ред бисквити одозгора. Ако сакате, можете да декорирате со шлаг или шам од преостанатите белки.