Бабата на Брајант сака отштета: Беше „дадилка“ и сега бара куќа, џип и 5 милиони долари!

‘Ја издржував скоро 20 години, а никогаш не беше моја или на Коби лична асистентка, ниту дадилка. Сега сака да наплати 96 долари од час и тврди дека работела 12 часа на ден 18 години “, открива вдовицата на Брајант, Ванеса

Скоро една година по трагичната смрт на кошаркарската легенда Коби Брајант, препукувањата за неговото наследство продолжуваат. Иако Коби не разговарал со неговите родители од 2013 година, тој бил во добри односи со неговата баба Софија Лејн (68). И токму таа сега се обидува да „извлече“ голема сума пари и некои други придобивки од нејзината ќерка Ванеса.

-Според судските записи, Софија ја тужи својата ќерка Ванеса затоа што таа „работела неплатено долго како личен асистент и дадилка“ во семејството, а Коби наводно пред смртта ветувал дека ќе се грижи за неа до крајот на животот

„За жал, ветувањата на Коби не ја видоа светлината на денот затоа што тој сега е починат, а Ванеса Брајант го презеде секој чекор да ги поништи своите ветувања кон Лејн“, се вели во судските досиеја во сопственост на „People“.

Да потсетиме, при падот на хеликоптерот загинаа Коби и неговата ќерка Џана, како и уште шестмина патници и еден пилот.

– Ја издржував скоро 20 години, и таа никогаш не беше моја или на Коби лична асистентка или дадилка. Сега сака да наплати 96 долари од час и тврди дека работела 12 часа на ден 18 години. Отсекогаш сум била домаќинка, а сопругот и јас посветувавме целосно внимание на децата – напиша Ванеса за „ People “ и продолжи:

– Скоро две децении се грижевме за тоа да живее близу нас и ѝ плативме сè затоа што тврдеше дека нема пари по разводот. Мислевме дека е најдобро да не живее со нас, а таа од време на време се грижеше за децата. Таа не се грижеше за работа или за какви било трошоци. Беше баба поддржана од нејзината ќерка и зет, а кога беше „дадилка“ беше само кога нашите деца беа многу мали.

Претходно нејзината мајка ја обвини дека ја избркала од куќата во септември минатата година и дека морала да го врати автомобилот што го користела.

– Барав нова куќа за семејството, а една недела подоцна мајка ми фрли дамка на семејството на телевизија, иако живееше бесплатно во стан што ѝ беше изнајмен. И по тоа предавство, и понудив месечна алиментација, но тоа не ѝ беше доволно. Ме контактираше преку посредник и ми побара пет милиони долари, куќа и теренец Мерцедес – открива вдовицата на Коби за People.

Ванеса тврди дека нејзината мајка сега сака повеќе пари отколку што добила за време на животот на Коби и дека работата е надвор од контрола.

„Мојот сопруг никогаш не ѝ ветил ништо и би бил многу разочаран од нејзиното однесување и недостаток на емпатија“, заклучила таа.