БИЛИ АЈЛИШ ПОВТОРНА ЈА ПРОМЕНИ ФРИЗУРАТА: Фановите беа воодушевени, доби над 4.000.000 лајкови за само 16 часа! (ФОТО)
25 август, 2021
Пејачката Били Ајлиш (19) се пофали со нова фризура.
Таа објави фотографија и кратко видео на својот профил на Инстаграм каде што го покажа новиот имиџ, а откри и дека нејзината инспирација за овој изглед е нејзината мајка, Меги Берд.
„Исто како мајка ми“, напиша таа покрај една од фотографиите на нејзината мајка.
„Прекрасна“, „Најубавата личност досега“, „Ќе ја покажам оваа фризура кога ќе се шишам следниот пат“, „Преубаво ти стои“, „Најубава на светот“, се само некои од коментарите под објавата што собра над четири милиони лајкови за помалку од еден ден.
Пејачката ужива во трансформациите, а во март годинава ја обои својата неонски зелена коса во руса боја.