И Анџелина Џоли стана дел од Марвел: Ќе ја гледаме во улогата на Тена во филмот „Eternals“

На крајот на оваа година, Марвел подготвува уште еден спектакл со суперхерои. Станува збор за филм наречен „Eternals“, во кој играат некои од најголемите светски sвезди. Една од нив е Анџелина Џоли, која ќе го толкува ликот на Тена.

Главната улога ја има и Селма Хајек, која ја игра Ајак, како и ѕвездата на „Игра на тронови“ Кит Харингтон, кој го игра ликот Ден Витман.

Филмот „Eternals“ се базира на истоимените ликови од стриповите на Марвел. Во режија е на Клои Жао, а сценариото го напишаа Метју и Рајан Фирпо. Покрај Анџелина Џоли, во оваа продукција играат и Селма Хајек и Кит Харингтон, Ричард Маден, Џема Чен, Кумаил Нанџиани, Лорен Ридлоф, Брајан Тајри Анри, Лаја Мекју, Дон Ли и Бери Киоган.

Во филмот, Eternals се обединуваат за да ја спасат Земјата од нејзините непријатели, Девијантите.

Како што е најавено, ова остварување ќе биде прикажано во американските кина во ноември.

Додека филмот не пристигне кај нас, погледнете го трејлерот: