ЈА ОТВОРИ ДУШАТА: Алекс Родригез прв пат проговори за раскинот со Џенифер Лопез откако таа го избриша од животот
По неколку месеци, поранешниот безбол играч Алекс Родригез одлучи да ја отвори душата и да зборува за периодот од својот живот што го помина со Џенифер Лопез, која се врати кај нејзиниот поранешен партнер Бен Афлек по нивното раскинување.
„Имав пет години прекрасен живот и партнерство, исто така, моите ќерки имаа прекрасна врска, научивме многу“, рече Родригез за странските медиуми.
Поранешниот спортист додаде дека е многу благодарен за тоа каде го одведе неговиот животен пат, како и дека е многу задоволен. Тој сака да ги гледа своите ќерки како се развиваат и растат и е многу горд на тоа.
„Знаете што, ние сме многу благодарни за последните пет години од животот, сега размислувам како да ги направиме следните пет подобри, врз основа на научените лекции од минатото“, рече Родригез. Тој додаде дека продолжи со својот живот, исто како и неговиот поранешен партнер.
Да потсетиме, двојката се распадна во април, а кратко потоа Џенифер се смири со својот поранешен вереник, актерот Бен Афлек.
Според странските медиуми, парот планира да купи нов имот и да започне заеднички живот, а се шпекулира дека Бен наскоро ќе ја запроси својата ново-стара партнерка.
Џеј Ло неодамна откри дека одлучила да го избрише Алекс од животот кога ги избришала сите нивни фотографии на Инстаграм, додека на профилот на нејзиниот поранешен партнер сеуште можете да гледате слики од деновите на љубовта со латино гигантот.