Кетрин Зета-Џонс без двоумење призна дека благодарение на нејзиниот сопруг, била заштитена од многу работи: „Сите знаеја дека сум со Мајкл Даглас“
Таа стана светска sвезда во 1998 година благодарение на нејзината улога во хит филмот „Зоро: Маскираниот одмаздник“, во кој глумеше заедно со Антонио Бандерас, но нејзината кариера започна кога имаше само 15 години и кога се појави на аудиција за продукции на Вест Енд .
Во своето последно интервју, за Радио Тајмс, велшката актерка јасно стави до знаење дека е свесна дека животот го започнала многу рано, кога имала само 15 години, но, како што тврди, никогаш не чувствувала закана. Всушност, 51-годишната Кетрин Зета-Џонс верува дека се спасила од многу ситуации со тоа што била во врска, односно брак со денес 76-годишниот Мајкл Даглас.
Говорејќи за ерата на движењето „Me Too“, кое се бори против сексуална злоупотреба и сексуално насилство и кое заживеа во Холивуд, Кетрин Зета-Џонс откри и како се чувствувала низ годините:
„Бев многу млада кога започнав сè, но сите аудиции на кои отидов, никогаш не се најдов во такво опкружување и кога се преселив во Холивуд, не ми требаше многу време да започнам врска со мојот иден сопруг , така што секој го знаеше тоа дека сум со Мајкл Даглас.“
„Не знам дали имав придобивки поради тоа, но можеби тоа значеше дека нема да се најдам во средини каде што некој може да ми понуди. Свесна сум колку е тешко да се зборува за сето ова, па затоа им се восхитувам на овие храбри жени ’, рече познатата велшка актерка.
Кетрин Зета-Џонс и Мајкл Даглас се венчаа во 2000 година во хотелот Плаза во Њујорк, а нивната прва средба се одржа во 1998 година на филмскиот фестивал Довил во Франција. И покрај многуте пречки, тие сè уште се во брак во брак и имаат две деца – ќерката Керис Зета Даглас (18) и синот Дилан Мајкл Даглас (20).