Криси им се извини на жртвите: „Пишував одвратни пораки, жал ми е, сега се сменив“

Тајген го прекина едномесечниот молк на социјалните мрежи признавајќи дека се ‘срами’од одвратните твитови испратени до Кортни Стоден, која во тоа време имала 16 години. Криси рече дека „сега сфаќа“ и „не бара ниту заслужува сочувство“

Криси Тајген (35), модел и автор на книги за готвење, омажена за пејачот Џон Леџенд (42), се повлече од социјалните мрежи минатиот месец, откако беше откриено дека и испратила на ријалити sвездата Кортни Стоден (26), серија подли твитови во 2011 година, во кои и посакала смрт. Криси денес се врати на Твитер со долго извинување.

Во твитовите таа напиша „Те мразам“, „заспиј засекогаш“ и „Едвај чекам да умреш“. Манекенката тврди дека „таа повеќе не е личноста што ги напишала тие ужасни работи“ и дека ‘примила терапија’.

Стоден влезе во светот на славните во 2011 година, кога на 16-годишна возраст се омажи за 50-годишниот актер Даг Хачисон (61). Стоден и Хачинсон се разведоа по седум години брак, а на повеќето им е јасно дека за време на нивниот брак, Стоден беше дете злоставувано од возрасен маж. Но, во 2011 година, Кортни важеше за спонзоруша, па излегоа злобни шеги на нејзина сметка.

Криси за прв пат одговори на нападите на 12 мај во серија твитови во кои се извини за своето однесување и тврди дека се обидела приватно да се поврзе со Кортни, што ријалити sвездата го негираше.

Оттогаш, нејзиниот профил на Твитер остана нем, но денес сподели твит во кој беше додаден линк за подолг пост.

„Повторно здраво“, твитна Криси.

Hi again https://t.co/vtAHcVLWNA

— chrissy teigen (@chrissyteigen) June 14, 2021

Во објавата, таа напиша дека поминале „многу понижувачки неколку недели“ во кои „не поминал ниту еден момент“ во кој таа не чувствувала „голема тежина на жалење“ за работите што ги рече во минатото.

Криси уште еднаш повтори дека таа „јавно се извинила на една личност“, но дека е во процес на приватно обраќање кон луѓе што ги навредувала со текот на годините.

– Разбирам дека можеби не сака да разговара со мене. Мислам дека ни јас не би сакала да разговарам со мене. (Вистинската вистина во сето ова е колку навистина не можам да го поднесам соочувањето). Но, ако тие го сакаат тоа, јас сум тука и ќе слушам што сакаат да ми кажат, додека се извинувам преку липање – напиша Криси.

– Едноставно нема изговор за моите ужасни твитови во минатото. Моите мети не го заслужија тоа. Никој не го заслужува тоа. На многумина од нив им требаше емпатија, љубезност, разбирање и поддршка, а не мојата подлост маскирана во некаков необичен, нервозен хумор. Бев трол, точка. И, многу ми е жал – додаде Криси.

Криси понатаму рече дека мисли на пријателите што ги разочарала и дека уживала да ги користи социјалните мрежи за да ’трола’ други познати

– Во реалноста, јас бев несигурна, незрела и во свет во кој мислев дека треба да ги импресионирам странците за да ме прифатат … Го отворив Твитер за да привлечам внимание и да го покажам она за кое во тоа време верував дека е суров, паметен и безопасен хумор. Мислев дека ќе ме направи кул ако ги задевам познатите – објасни Тајген.

Криси рече дека „сега разбира“ и дека „не бара нити заслужува никакво сочувство“, додавајќи дека „нема оправдување за нејзиното однесување“.

– Вистина е, јас не сум повеќе таа што ги напишала тие ужасни работи. Пораснав, бев на терапија, се омажив, добив деца, добив повеќе терапии, доживеав загуба и болка, добив повеќе терапии и доживеав повеќе живот. И ДОБИВ ПОВЕЌЕ ТЕРАПИИ – признава Криси.

Таа рече дека ќе продолжи да се труди да биде најдобрата верзија од себе и дека „на светот му треба повеќе добрина“.