Не сакам да бидам во центарот на вниманието тој ден, рече сопругата на принцот Хари

Американската актерка Меган Маркл, сопруга на британскиот принц Хари, изјави дека нема да оди на погребот на принцот Филип, сопругата на кралицата Елизабета Втора и дедото на нејзиниот сопруг, за да не биде во центарот на вниманието тој ден.

Според „Дејли меил“, Меган смета дека заминувањето на Хари на погребот на неговиот дедо е можност тој да се смири со семејството, пред се со татко му, принцот Чарлс и неговиот брат принцот Вилијам.

Покрај тоа, таа е бремена и лекарот ја советувал дека е подобро да не патува со авион. Се верува дека Меган е главниот виновник и дека го убедила Хари да го напушти семејството и да се пресели прво во Канада, а потоа во Калифорнија.

Двојката го има синот Арчи и чека уште едно дете. Во неодамнешното интервју со водителката Опра Винфри, парот откри дека имале проблеми со расизмот на суд. Мајката на Меган Маркл е Афроамериканка, а нејзиниот татко е бел Американец.