Пред 7 месеци светот беше воодушевен поради нејзиното лице без шминка, но сега Адријана Лима повторно е онаа старата
Манекенката Адријана Лима (39) повеќе пати се најде на списокот на најубави жени во светот, а нејзините природни изданија покажуваат дека е заслужено.
Имено, бразилската убавица не се двоуми да ги објави своите фотографии без никаква шминка кога е црвена и испотена во теретана после вежбање или кога ќе се разбуди во кревет наутро. Затоа следбениците на Адријана на Инстаграм ја сакаат уште повеќе и ја опсипуваат со комплименти.
Иако очигледно не ѝ треба шминка, Лима изгледа волшебно кога ќе се облече и привлекува внимание каде и да се појави. Некогаш една од најбараните модели во светот, многумина ја памтеа на модните писти, особено кога носеше ревии за долна облека „Викторија Сикрет“.
Адријана се уште води кампања за разни брендови, но помалку од порано затоа што реши да се посвети на воспитувањето на своите ќерки Валентина (11) и Сиена (8), што ги доби со нејзиниот поранешен сопруг, поранешниот српски кошаркар Марко Јариќ (42) .
Двојката беше во брак од 2009 до 2016 година, а странските медиуми пишуваа дека манекенката ја чуваше својата невиност се додека не изговори судбоносно да.
По распадот на бракот со поранешниот српски кошаркар Марко Јариќ, Лима беше во долга врска со турскиот писател Метин Хар, потоа беше во кратка врска со турскиот бизнисмен Емир Ујар, а сега и со „мускулестото момче“ што неодамна го покажа на Инстаграм.
Пред еден месец, манекенката објави серија фотографии од роденденската забава на нејзината пријателка, а по тој повод покажа и дека на сите слики е прегрната со еден млад човек во морнарска кошула.
На некои слики се гледа и како ја држи за половината додека позира со неа, додека таа ја потпира главата на неговото рамо. Неговиот идентитет е непознат.
Патем, Лима ја следат 12,9 милиони луѓе на Инстаграм.
Не изгледаше секогаш заносно, за што сведочат нејзините фотографии од декември 2020 година, кога многумина беа прилично шокирани од папарацо фотографиите на кои поранешната српска снаа нема шминка. Изгледаше различно, отечено и уморно, но тој период сега е јасно зад неа.