Пред да пристигне на погребот, принцот Хари му испрати емотивно писмо на својот татко: Не помина како што очекуваше
Можеби раѓањето на второто дете на принцот Хари ќе може да ги поправи студените односи во семејството,
Принцот Хари му напиша многу лично писмо на својот татко во пресрет на неговото враќање дома на погребот на принцот Филип, но тоа не помогна да се поправи расипаната врска што постои помеѓу таткото и синот повеќе од една година.
Хари го контактирал својот татко пред да пристигне во Велика Британија, но тој реагирал ладно затоа што сепак бил повреден поради интервјуто кое Хари и го дал на Опра Винфри со неговата сопруга Меган, додека војводата од Единбург била во болница и се борела за неговиот живот, тврди британскиот медиуми.
Извори блиски до војводата од Сасекс изјавиле дека поради целосното прекинување на комуникацијата, тој бил принуден да му пишува писма на својот татко. Во својата преписка тој ги навел своите причини за заминувањето, ветувајќи дека ќе ја почитува институцијата кралско семејство, откриваат изворите.
Во контроверзно интервју, Хари тврди дека член на семејство коментирал колку ќе биде „несреќно“ неговото неродено дете, додека Меган тврди дека семејството одбивало да ѝ помогне кога имала самоубиствени нагони додека била бремена. Хари ѝ кажа на Опра дека татко му и брат му се заробени во кралското семејство и дека не можат да заминат ако сакаат тоа да го направат, пишува Мирор.
Информирани за настаните во палатата, тие откриле дека и двајцата идни кралеви биле „огорчени“ кога го гледале интервјуто на Хари.За волја на вистината, Хари навистина не знаеше што да очекува пред да се врати дома. Тој му напишал многу лично писмо на својот татко за да се обиде да ги поправи работите, но тензиите меѓу нив се големи и работите не излегоа како што очекуваше – изјави извор близок до Хари.
Чувството во семејството беше дека нема време ниту место да се преиспитаат работите, особено во таков емотивен момент за секого. Чарлс оттогаш отпатувал во својот дом во Велс, каде што работи од дома и продолжува да го почитува кралскиот период на жалост, кој завршува во четврток. Во палатата има многу недоверба и сè е сè уште многу, многу сурово – додава неименуван извор.
Извор од палатата изјавил дека Чарлс се надевал дека повторно ќе го види својот син по погребот на Филип, но Хари му рекол дека не планира да се задржува. Неговата сопруга Меган Маркл треба да се породи наскоро и да го роди нивното второ дете – девојче. Тој додава дека Вилијам и Чарлс во моментов се насочени кон поддршка на кралицата во најтешките моменти, откако таа го загуби сопругот, принцот Филип.
Принцовите Чарлс и Вилијам закажаа состанок со највисоките членови на кралското семејство за да се договорат во која насока семејството ќе продолжи да се развива сега кога Филип го нема. Потребна е целосна соработка и единство помеѓу принцовите Чарлс, Вилијам, нивните жени, принцезата Ана и грофот и грофицата од Васекс. Извори од палатата велат дека двајцата идни кралеви целосно се согласуваат дека нема да има враќање во кралското семејство за принцот Ендру, по скандалот во кој тој беше вмешан. Планирани се големи ангажмани и проекти за седумте најблиски членови на кралското семејство.
Останува да видиме во која насока понатаму ќе се развиваат односите во семејството, како и дали раѓањето на второто дете на принцот Хари ќе ги омекне нивните срца и ќе ги помират браќата и таткото.
