Капут, фустан, љубов – СЕ Е МАКСИ: Џеј Ло во ултрашик комбинација за романтична есенска прошетка со Бен Афлек

Пејачката и актерка Џенифер Лопез не изненадува од ден на ден со модни комбинации, а по серијата пообични варијанти, се појави во многу впечатливо елегантно издание потпишано од Диор.

Латино дивата Џенифер Лопез (52) и холивудскиот актер Бен Афлек (49) го заменија топлиот Лос Анџелес со свежиот Њујорк во последните денови од септември.

Познатата двојка, која не ги трга рацете едни од други, овие денови ужива во шармот на Источното крајбрежје, каде вчера беа видени во познатиот парк Медисон Сквер, но Џеј Ло изгледаше како да може да оди по модната писта.

За ова излегување, латино sвездата избра макси палто со широки ревери и превиткан фустан со преклопување што украсува сличен дезен, а ова се парчиња од есенската колекција на Диор за 2021 година. Таа одлучи да ги комбинира со кафени чизми со врвки со потпис на брендот Christian Louboutin со високи потпетици.

Како и обично кога станува збор за изданија на уличен стил, Џенифер носеше очила за сонце и златни прстени, а овој пат не излезе без златниот накит на куќата за накит Foundrae, со која беше опседната во последно време.

Нејзиното старо-ново момче Бен Афлек изгледаше многу убаво во темно одело во пообичен стил, а под јакната носеше темно сина поло маичка, па варијантите на нивната облека донекаде се усогласени, што се случува се почесто.