Ким на првото сингл излегување: И се придружија и Бекамови, Малума и низа други sвезди
Старлетата Ким Кардашијан ужива новостекнатата слобода на забавата за отворање на луксузен хотел во Мајами по бурниот развод со раперот Канје Вест
Американската ријалити sвезда Ким Кардашијан (40) во моментов е во средина на разводот, но тоа не ја спречи да се забавува и да ужива во придобивките од сингл животот.
Во придружба на неколку пријатели, Ким се појави на отворањето на хотелот „Гудтајм“ во Мајами, сопственост на продуцентот Фарел Вилијамс (48) и претприемачот Дејвид Грутман (46). На забавата таа блесна во тесен златен фустан на Кристијан Диор и привлече бројни погледи.
На забавата се прославуваше и почетокот на новата сезона на фудбалскиот клуб Интер Мајами ЦФ, кој е во сопственост на славниот Дејвид Бекам (45). Дејвид присуствуваше на забавата со сопругата Викторија (47) и синот Бруклин (22), а тие и се придружија на Ким и се фотографираа со неа. Кардашијан е во добри односи со популарниот пар и и го честиташе роденденот на Викторија следниот ден преку Инстаграм. „Среќен роденден, те сакам“, напиша таа покрај нивната заедничка фотографија.
И популарниот пејач Малума (27) се забавуваше со Бекамови и Ким, а на оваа забава присуствуваа и многу други ssвезди како Тимбаленд (49), Ванеса Хаџенс (32) и Бед Бани (27).