(Видео) Ареа со нова песна го најави шестиот албум
28 мај, 2021
Гостиварскиот рок-бенд „Ареа“ преку социјалните мрежи ја промовираше песната „Отсекогаш“, со која го најави шестиот студиски албум.
Музиката и аранжманот на новата песна ги направи Ивица Брчиоски, а текстот го напиша Ружица, која е автор и на повеќето песни на бендот.
Тие снимија и видео за новата песна, на неколку локации, а повеќето од нив се на Маврово, во црквата Св. Никола Летен. Во видеото се појавуваат Мариа Стојаноска и Илија Трале Левески. Режисер на спотот е Даниел Јовески.
Неодамна во интервју за „Репортер“, Ружица рече дека иако понекогаш прават поголеми паузи, секогаш ќе се враќаат на сцената и пред својата публика.
Преземено од info.mk