Засрамена, Ким призна после 7 години: „Плачев секој ден поради тоа што му се случуваше на моето тело“

Ријалити sвездата Ким Кардашијан (40) се присети на својата бременост во 2013 година и медиумското покривање на нејзиниот тогаш труднички изглед.

На Instagram ги прозва сите оние кои во тоа време ја навредуваа и ја споредуваа со кит убиец.

„Плачев секој ден поради тоа што му се случуваше на моето тело, најмногу поради притисокот затоа што постојано ме споредуваат со она што општеството мисли дека треба да изгледа здрава личност – исто како што медиумите ме споредуваа со китот Шама“, рече Ким, осврнувајќи се на китот убиец кој своевремено настапуваше во SeaWorldu.

Ким тврди дека секојдневно била предмет на срам во медиумите и дека тоа навистина ја скршило.

Признанието го направи откако го погледна документарецот за кариерата на Бритни Спирс, кој исто така ја покажа нејзината борба со нервниот слом во 2007 година.

Ким заклучи дека медиумите „можат да бидат многу трауматични и можат да ја скршат и најсилната личност“.

Кардашијан ја роди ќерката Норт во јуни 2013 година, синот Сент во 2015 година, а подоцна доби уште две деца од сурогат мајки. Минатиот месец таа поднесе барање за развод од раперот Канје Вест, со кого беше во брак скоро седум години.