ЧУДЕСНА ТАБЛЕТА БИ МОЖЕЛА ДА СПАСИ МИЛИОНИ ЛУЃЕ: Британците пронајдоа апче за здраво срце

Секоја земена таблета ќе има ефект како да сте изеле три килограми зрели домати

Британски научници развија чудотворна пилула која има многу придобивки за организмот.

Нејзината употреба ќе доведе до таква состојба на организмот како да следите медитеранска диета.

Една капсула Атеронон дневно ја намалува акумулацијата на маснотии во артериите и спречува срцеви заболувања и мозочен удар. Чудесната пилула може да спаси милиони животи. Таблетата што ќе служи како додаток во исхраната содржи антиоксиданс ликопен, кој се состои во доматите.

Секоја земена таблета ќе има ефект како да сте изеле три килограми зрели домати. Многу студии покажаа дека медитеранската исхрана, богата со домати, риба, зеленчук, ореви и маслиново масло, значително го намалува холестеролот и спречува кардиоваскуларни болести.

Атеронон беше развиен од научници од Универзитетот во Кембриџ кои комбинираа ликопен со сурутка од млеко. Пилулата беше тестирана на 150 пациенти со срцеви заболувања кои ја земаа еднаш дневно.

Откриено е дека нивната акумулација на маснотии во артериите започна да се намалува за само два месеци, без несакани ефекти.