ОСЛОБОДЕТЕ СЕ ОД ВИШОКОТ КИЛОГРАМИ НА ЗДРАВ НАЧИН: Пет тајни на добрата диета
Најважно е да препознаете која диета е добра за вас, а таа мора да има некои златни правила.
1. Дневниот внес на калории мора да биде најмалку 1.200 калории: ова е многу важно, имајќи предвид дека во спротивно не станува збор за диета, туку за глад. Постојат и подрастични диети за дебели луѓе, но тие се спроведуваат во специјализирани клиники, под дваесет и четиричасовен надзор на експерти. Доколку се одлучите за диета со помал внес на калории од горенаведените, може сериозно да го оштетите вашето здравје, а покрај тоа ќе бидете толку гладни што честопати ќе се прејадувате, така што нема да биде ништо од диетата.
2. Диетата мора да содржи разни здрави намирници – ова првенствено се однесува на житарките, овошјето и зеленчукот. Ако диетата не ги содржи овие намирници, порано или подоцна ќе се разболите, а потоа дури и витката линија (ако воопшто ја постигнете) нема да ви биде утеха.
3. Оброците што се присутни во исхраната треба да бидат лесни за подготовка: тоа е важен психолошки фактор – ако треба да поминувате часови и часови во кујната подготвувајќи го секој оброк, а сте презаситени со обврски, многу е веројатно дека ќе се откажете.
4. Ова можеби и нема да ви се допадне: со добра диета се постигнува реален губиток на тежината, што значи околу еден килограм неделно. Килограмите кои се симнуваат брзо, подеднакво брзо и се враќаат.
5. Можно е да се спроведе диета на долг рок: т.е. дури и ако ја држите диетата многу долго, нема да бидете во опасност да се срушите од онесвестите или да се разболите затоа што немате некои од потребните намирници . Со добра диета, можете, по почетниот период на навикнување на тоа (ако диетата е доста поразлична од вашите дотогашни навики на јадење), да функционирате сосема нормално дури и ако ја следите со месеци.
6. Друга карактеристика на добрите диети е тоа што вклучуваат многу движење. Намалениот внес на храна може да ја доведе вашата тежина до идеално ниво, но тоа не значи дека односот на маснотии и мускули во вашето тело ќе биде како што треба. Затоа е потребно движење при спроведување на каква било диета.