Кое време од денот е најдобро за секс? Еве што велат експертите

После оргазмот, мозокот ослободува коктел од хормони кои се одговорни за добро расположение, како што се серотонин и окситоцин, велат секс експерти, поради што чувствуваме поголема приврзаност кон партнерот.

Дали некогаш сте се запрашале кога е најдобро да имате секс, во кое време од денот или ноќта?

Сексуалниот терапевт Тами Нелсон вели дека тоа зависи од желбите на секоја индивидуа или двојка, но посочува дека секој дел од денот има свои предности.

Веројатно сите слушнале за придобивките од утринскиот секс: почнувајќи го денот со пријатно „вежбање“, до придобивките од зголемената секреција на серотонин веднаш на почетокот на денот. И во утринскиот секс, вели Нелсон, нивото на тестостерон е исто така важно.

– Нормално, нивото на тестостерон е највисоко наутро, што е една од причините за утринска ерекција – рече таа, додавајќи дека заради сите погоре наведени, за оние кои стануваат рано, сексот е одличен начин да се започне денот.

Сексуалната едукаторка Џиџи Енгл се согласува, но исто така забележува дека сексот наутро има некои недостатоци. Кога телото штотуку ќе се разбуди, вели, нашите синапси сè уште не работат со полна сила, а телото веќе некое време е во „мирен режим“ и не чувствува сексуална стимулација како во целосно будна состојба.

„Многу луѓе претпочитаат да стануваат полека наутро, да пијат кафе, да се истушираат и да ги измијат забите, а додека сето тоа се направи, сексуалната желба исчезнува“, вели Нелсон, но забележува дека сексот на крајот на напорниот ден е не секогаш идеален.

– Би било идеално да најдете време кога и двајцата ќе можете да одморите од секојдневните обврски, но дека сè уште не сте исцрпени и дека не ве вознемирува работата и семејниот живот – вели Нелсон, а Енгл посочува некои придобивки од сексот пред спиење.

– После оргазмот, мозокот ослободува коктел од хормони кои се одговорни за добро расположение, како што се серотонин и окситоцин – вели таа, така што ќе се чувствувате добро непосредно пред спиење, а исто така ќе чувствувате приврзаност кон вашиот партнер.

Покрај тоа, додава Енгл, воведувајќи го вечерниот секс, ќе воведете нешто што можете да го очекувате во текот на денот.

Најдоброто време од денот за секс е, и двајцата се согласуваат, кога сакате да имате секс, а откривањето кога сексот е најдобар за вас и вашиот партнер може само да ве приближи.

– Оргазмот може да ја подобри циркулацијата, да го подигне имунитетот и да го намали стресот – заклучи Нелсон, така што сигурно нема „лошо време за секс …“