Лекарите предупредуваат: Освен вода, задолжително пијте ја и оваа течност во лето!

Температурите низ целата земја надминаа 30 степени во првите денови од летото. Многумина со нетрпение го очекуваат летото, но лекарите предупредуваат дека треба да избегнувате сонце, да ја заштитувате главата и да пиете доволно течности.

Најчестиот избор за гаснење на жедта се газирани безалкохолни пијалоци со вкус на кола, портокал, лимон. Овие пијалоци, пред сè, содржат многу калории (една конзерва е околу 130) и, покрај тоа, состојките од кои се составени не ја гаснат жедта. Постојат и големи количини шеќер кои иако даваат почетно чувство на олеснување, наскоро доведуваат до пиење уште повеќе со цел да се отстрани сладок вкус од устата.

Водата е најдобриот одговор на жедта затоа што компензира загуба на вода и сол, нема калории, освежува, ја гаси жедта и го хидрира организмот. Многу често, изборот помеѓу минерална вода и онаа од чешмата станува вистинска дилема, но тој избор не е толку тежок за да се направи бидејќи сè е прашање на личен вкус. Ако водата од чешмата е свежа и има добар вкус, нема ништо што би ја забранило нејзината потрошувачка.

Наместо вода, можете исто така и…

Ако сте уморни од вода и сакате алтернатива за промена, можете да се одлучите и за цедени сокови или млечни смути.

Овошјето е богато со минерали, а содржи и витамини и умерено количество шеќер, што е корисно за одржување на енергијата. Изборот на овошје зависи од вас и можете да изберете кој било, иако е важно да ги земете предвид боите на овошјето што можат да се комбинираат.

Бојата ви гарантира најдобра мешавина од витамини и енергија. На пример, портокаловото овошје, богато со витамин А, совршено се комбинира со црвено овошје, богато со витамин Ц.

Ако не сакате да правите сок, можете да се свртите кон чајот. Одлучете се за зелен или некој друг билен чај. И знајте дека млакиот чај ќе ви ја задоволи жедта многу подобро отколку студениот, а ако сепак преферирате студен, нека не биде леден.