Нова студија на вакцините Pfizer и Moderna покажа дека не влијаат врз машкиот репродуктивен систем

Оваа недела, истражувачите од здравствениот систем на Универзитетот во Мајами во Мајами ги објавија резултатите од студијата за ефектите на вакцината на Ковид-19 врз машкиот репродуктивен систем, велејќи дека дури и по примањето на втора доза кај здрави млади мажи, немало пад на бројот или квалитетот на спермата.

Сепак, забележува Универзитетот во Мајами, ова истражување е направено само за вакцините Пфајзер и Модерна, но тие веруваат дека резултатите за вакцините од други производители ќе бидат исти или слични.

„Сега имаме докази дека имунизацијата не го загрозува машкиот репродуктивен систем, односно дека ризикот може да биде екстремно мал, а тоа воопшто не го забележавме“ – изјави директорот на Институтот за човечка репродукција во Чикаго, д-р Дејвид Коен, коавтор на студијата дека новиот вид на коронавирус не се пренесува сексуално.

„Квалитетот на спермата не беше значително променет со примање на две дози од една од гореспоменатите вакцини против Ковид-19“, рече Алан Пејси, професор по андрологија на Универзитетот во Шефилд во Велика Британија, кој беше вклучен во оваа студија.

Студијата вообичаено користела примероци на сперма од 45 мажи на возраст од 25 до 31 година и тие беа подложени на систематски преглед пред да се дадат примероците за да се потврди дека немаат проблем со плодноста. Примероците беа земени пред првата инјекција на mRNA вакцината, а потоа 70 дена по втората доза, по што беа испитани волуменот, концентрацијата, подвижноста и вкупниот број на сперматозоиди.

„Не откривме никакви промени во параметрите на спермата кај млади здрави мажи“ – рече авторот на студијата и директор на машка репродуктивна медицина и хирургија на здравствениот систем на Универзитетот во Мајами, д-р. Ранџит Рамасами.

Иако само двајца производители ги тестирале вакцините, др. Рамасами вели дека и другите го имаат истиот механизам на дејствување, па затоа тој верува дека резултатите со нив би биле слични или дури исти.

„Секако се потребни дополнителни, поголеми студии со мажи од различна возраст, но дури и сега можеме да заклучиме дека секој мерлив ефект на коронавирус врз плодноста кај мажите е веројатно незначителен и привремен“ – рече др. Рамасами за Си-Ен-Ен.