Ријана ја најавува новата сезона во знак на романтични пастели
22 март, 2021
Познатата пејачка прошета пред некој ден во комплет во бои на сладолед што ќе владеат оваа пролет, не само на костуми и лесни палта, туку и модни додатоци како чанти.
Ријана има и романтична страна на нејзиниот стил, а тоа го покажа со една од поновите модни комбинации.
Пејачката сака пастели, првенствено бои инспирирани од ведро небо и сладолед од јагоди.
Во нејзината гардероба има многу деликатни нијанси, а таа ги носи не само во лежерни, туку и повеќе празнични прилики.
Нежните тонови се дел од пролетните стилови, а стилистите и дизајнерите ги предлагаат од глава до пети.
Познатите пастели се различни нијанси на сладолед, од ф’стаци до кајсии и романтични јагоди.