СОВРШЕНИ ЗА ЛЕТО: 5 трендови на нокти кои веднаш ќе сакате да ги испробате! (ФОТО)
Вашата маникирка ќе има полни раце работа…
Минатата година дефинитивно беше посветена на самостојната грижата за ноктите, но сега можеме да одиме на маникир и да им ја дадеме на кутикулите долго потребната грижа.
Единственото прашање што се поставува е каква боја и дизајн на ноктите да се избере.
Пастел
Пастелните бои се насекаде и имаат широк спектар, вклучувајќи убави пурпурни, розови, жолти и зелени пастелни бои.
Ова е класичен тренд, кој лесно можете да го примените дома. За многу лакови од овој тип, доволно е да нанесете само еден слој, плус проѕирниот што го штити од оштетување и сте подготвени да одите.
Цветен дизајн
Летото е вистинско време да излезете од вашата доза на удобност и да побарате од маникирката да ви направи убав цветен дезен. Без разлика дали ќе се одлучите за малку посилна варијанта или помеки цвеќиња, тоа сигурно ќе биде полн погодок за летото. Олеснувачко е тоа што, и ако маникирката не е вешта во цртање, сигурно има некои налепници или печати во тој дизајн, што исто така може да изгледа одлично.
Природна розова и „гола“ боја
Би се рекло дека оваа година сепак ќе имаме можност да посетиме некои свадби или други важни настани, а нешто што оди со сите алишта се дефинитивно природните розови и „голи“ бои.
Ако се одлучите за една од нив, можете да бидете сигурни дека нема да направите грешка.
Точки
Слатките и разиграни точки се омилени кај многумина оваа сезона. Тие се многу ефикасни ако се нанесат на неутрална основа или во боја што е во силен контраст со основата.
Можете да си играте со точките, правејќи ги во различни бои и големини.
Француски маникир
Вечниот класик и миленик на многу дами дефинитивно е францускиот маникир кој нема да изостане ниту оваа сезона. Ако сакате да бидете малку поразлични од класичната бела верзија (со бел лак на врвот), ставете ја која било друга боја, како црвена, розова, сина … ќе биде одлична замена.