Трикот на Сандра Булок за нега на пределот околу очите е СУПЕР ЕВТИН и многу необичен

Американската актерка неодамна го прослави својот 57 -ми роденден, и се уште важи за една од најубавите жени во филмскиот свет. Сепак, таа се уште ги отфрла популарните начини за продолжување на младоста…

Холивудската актерка Сандра Булок гордо ги носи своите години, но многумина и понатаму се изненадени кога ќе слушнат точно колку години има. Меѓутоа, американската „девојка од соседството“ неодамна го прослави својот 57 роденден, а нејзиното лице не се промени многу од денот кога не засмејуваше како „Мис таен агент“.

Според американските медиуми, таа не е поддржувач на ботоксот и филерите, туку претпочита да избере соодветни козметички производи.

Бидејќи нејзината кожа е малку потенка, нејзината рутина е минимална, а Сандра често посетува козметичари и не штеди на производи кои го зголемуваат производството на колаген, не се инвазивни и најмногу влијаат на површинскиот слој на кожата.

Сепак, таа е исто така склона кон експериментирање и не и е страно да послуша некои старински совети или да проба нешто што го прочитала на Интернет, па во една прилика откри дека користела анти-хемороиден крем за пределот околу очите и истакна дека така го хранела овој чувствителен дел од кожата!

Актерката, се разбира, се грижи за своето тело и „одвнатре“ – внимава на исхраната и редовно тренира, сака да трча, да вежба пилатес и да вози велосипед, додека нејзиниот тренинг понекогаш вклучува и вежби за сила.