Во Италија вградено првото вештачко срце: Еве колку чинела процедурата и кому може да спаси живот

Постапката ја изврши италијанскиот кардиохирург д-р Чиро Мајело со неговиот тим во клиничкиот центар во Неапол.

Француската компанија Кармат го продаде на пациент во Италија првиот примерок од вештачко срце што го разви во своите лаборатории.

Француската компанија е основана во 2008 година, а при испитувањето на нејзиното вештачко срце, неодамна еден примерок беше вграден кај пациент во Северна Каролина, САД.

Вештачко срце, вградено во Италија, се смета за привремена опција за пациент кој чека срце од донатор и страда од терминална бивентрикуларна срцева инсуфициенција, пренесува францускиот ТВ канал „LCI“.

Првата комерцијална трансплантација на вештачко срце ја изврши италијанскиот кардиохирург д-р Чиро Мајело со неговиот тим во клиничкиот центар во Неапол, пренесува Танјуг.

Carmat a vendu pour la première fois un cœur artificiel en Italie https://t.co/21aEDhinkE pic.twitter.com/GiTELaGzvz

— L' Est-éclair (@lesteclair) July 19, 2021

Трошоците за операцијата од 150.000 евра беа покриени од регионалниот здравствен систем, кој очекува надомест од националниот институт за јавно здравје.

Оваа постапка се смета за голем успех на француската компанија, која од декември минатата година има официјален сертификат за европски стандард, што ја отвори вратата за комерцијализација на вештачки срца во Европа.

Вештачкото срце на Кармат е наменето за сите пациенти кои страдаат од хронична срцева слабост или акутна инсуфициенција, состојби што се јавуваат по срцев удар. Изумот треба да им помогне на сите срцеви пациенти кои страдаат од коронарна срцева болест и артериска хипертензија.