И сокрива и го истакнува она што треба: Кејт Мидлтон го знае најотмениот начин да носите животински принт во 2022!

Кејт Мидлтон, сопругата на принцот Вилијам, е една од познатите личности кои паметно купуваат облека – таа најчесто избира квалитетни парчиња кои може да ги носи повеќе пати, па често ја нарекуваат и кралица на рециклирањето. Од време на време, по низа повторени парчиња облека и комбинации, таа ја освежува својата гардероба со ново парче, а овој пат тоа е фустан за кој сме сигурни дека повторно ќе го видиме на неа.

За време на денешната посета на организацијата „Шаут“ која се занимава со подигање на свеста за важноста на грижата за менталното здравје, Кејт се појави во својот нов фустан кој на прв поглед покажува дека е идеален додаток на нејзиниот практичен стил. Имено, Мидлтон донела кошула-фустан со потпис на британскиот дизајнер Дерек Лам, парче за кое издвоила нешто повеќе од 420 евра.

Станува збор за модел на фустан познат како фустан со нивоа, кој е ватиран па изгледа како да е составен од неколку слоеви.

Фустанот има долги, малку поудобни и полупроѕирни ракави и е ефективна маслинесто зелена боја. Иако вообичаено не носи животински дизајни, Кејт понекогаш прави исклучок, а потоа најчесто избира принт на леопард, а тоа беше случај и овој пат, кога војвотката од Кембриџ се одлучи за дезен со темно кафени тонови. Тука е и нејзиниот омилен детал – впечатлива машна под затворената јака, која додава допир на елеганција. Овој тренди модел, вообичаено популарен во летните месеци, е многу удобен доколку сакате да го скриете вишокот во колковите, стомакот и задникот, бидејќи половината е визуелно подигната, а фигурата е издолжена, а доколку сакате да ги нагласите облините, е одлично решение бидејќи создава илузија на структура во облик на песочен часовник.

Со таков агресивен принт, Кејт реши да искомбинира многу неутрални детали, во форма на црн појас кој го истакнува струкот и едноставни златни прстени со средна големина. За разлика од вообичаените салонки, таа овојпат избра црни високи чизми од превртена кожа на модната куќа Ралф Лорен.

Инаку, фустанот на Кејт можеби на прв поглед, поради темната нијанса на маслинесто зелена, изгледа како парче наменето за зимската сезона, но не се сомневаме дека сопругата на принцот Вилијам ќе најде одличен начин да го носи во пролет. Едвај чекаме да видиме како изгледа!