РЕТИНОЛОТ ВИ Е МНОГУ АГРЕСИВЕН? Пробајте 2 природни алтернативи кои не предизвикуваат иритации, а ја затегнуваат кожата

Ретинолот е, без сомнение, еден од најмоќните сојузници во борбата против стареењето на кожата, сепак, сигурни сме дека забележавте дека се повеќе луѓе на мрежите се жалат дека е премногу агресивен за употреба. Токму поради бројните и чести нуспојави, не е чудно што се повеќе луѓе се свртуваат кон алтернативни решенија, без иритации.

Добрата вест е дека всушност постои начин да го добиете истиот ефект со природни варијанти. Покрај популарниот бакучиол, како и маслото од шипинка, на пазарот има уште два природни производи кои ќе ви овозможат речиси идентичен резултат како ретинолот.

Станува збор за билни алтернативи како ресвератрол и рамбутан. Но, сега ќе откриеме малку повеќе за овие две моќни состојки.

Ресвератрол

Тој е моќен антиоксиданс кој најчесто се наоѓа во црвеното вино и темното чоколадо, а се повеќе е дел од многу производи за нега. Природно се наоѓа во кожата на боровинки, бобинки, но и во грозјето. Ресвератролот го спречува стареењето на кожата до ниво на адаптација на ДНК-маркерите, што значи дека работи на многу подлабоко ниво за да помогне во обновувањето на клетките кои биле нападнати од слободните радикали. Содржи сиртуин кој ја поправа ДНК и спречува клеточни мутации, но и воспалителни процеси.

А во однос на неговите антиоксидантни својства, тој делува уште подобро од витаминот Е и витаминот Ц кога станува збор за борба против постоечките слободни радикали и спречување на формирање на нови слободни радикали.

Рамбутан

Рамбутан е првенствено овошје кое потекнува од Југоисточна Азија, кое наликува на личи. Богат е со растителни влакна, богат со витамин Ц и бакар, но неговите листови се всушност природна алтернатива на ретинолот, речиси без иритација. Најдобро од сè, можете да го користите без ризик од иритација од сонце, и навечер и наутро.

Оваа моќна состојка ја подобрува еластичноста и цврстината на кожата, ги смирува фините линии и брчки и го стимулира производството на колаген. Експертите велат дека е исклучително погоден за оние кои имаат позрела кожа, како и за сите оние кои патат од флеки и хиперпигментација.

Сепак, правилото за двата производи е дека тие не се молекулски слични на ретинолот и дека се поврзуваат со различни рецептори во кожата, создавајќи сличен ефект. Истражувањата покажаа повеќе од ветувачки резултати, а во иднина може да очекуваме се повеќе производи кои содржат рамбутан и ресвератрол.