Пиете антидепресиви „како бомбони“? Размислете уште еднаш

Голема клиничка студија спроведена во САД покажа дека земањето антидепресиви го зголемува ризикот од мозочен удар.
136.923 жени на возраст меѓу 50 и 79 години биле прегледани и следени во просек 6 години. Жените кои користеле антидепресиви имале 45% зголемен ризик од мозочен удар во споредба со жените кои не ги користеле овие лекови.

Се верува дека депресијата сама по себе го зголемува ризикот од мозочен удар, па не е сосема јасно колкав точно е процентот на овие лекови.

Беше испитувано дали постои разлика во процентот на мозочен удар во зависност од тоа дали лицето користи трициклични антидепресиви или лекови од групата SSRI (селективни инхибитори на серотонин). Луѓето кои користат лекови од групата SSRI се повеќе склони кон мозочен удар предизвикан од крварење во мозокот.

Истражувачите предупредија дека луѓето кои користат антидепресиви не смеат сами да престанат да ги земаат лековите! Доколку имаат некаква дилема, треба да се јават кај својот лекар и да разговараат со него за предностите и несаканите ефекти од земањето на овие лекови.