Знаете ли зошто треба да ги потопиме во вода оревите пред да ги конзумираме?

Оревите се многу нутритивно богата храна чии соединенија го поддржуваат здравјето на срцето со намалување на воспалението и подобрување на нивото на холестерол. Но, помалку е познато дека е подобро да се потопуваат во вода пред да се консумираат.

Имено, натопувањето на оревите пред јадење е практика која некои луѓе ја следат од различни причини, каде што се верува дека тој процес нуди потенцијални здравствени придобивки.

Подобрена сварливост

Една од главните причини зошто треба да ги натопите јаткастите плодови е подобрата сварливост. Јаткастите плодови содржат ензимски инхибитори и фитинска киселина, што за некои луѓе може да биде тешко да се вари. Познато е дека фитинската киселина се врзува за минералите како што се калциумот и магнезиумот и на тој начин ја намалува нивната апсорпција во организмот.

Се намалува горчливиот вкус

Оревите содржат соединенија како танин, што придонесува за горчливиот вкус. Ако ги оставите во вода, ќе се ослободите од него. Ова може да биде особено корисно за поединци кои се чувствителни на горчливи вкусови или сметаат дека суровите јаткасти плодови не се вкусни.

Подобрена апсорпција на хранливи материи

Натопувањето на оревите може да ја подобри и апсорпцијата на хранливите материи кои се наоѓаат во јаткастите плодови. Со намалување на нивото на фитинска киселина, натопувањето може да помогне во ослободувањето на врзаните минерали, што ги прави побиодостапни за апсорпција во дигестивниот тракт.

Чистење

Друга потенцијална придобивка од натопувањето на оревите е отстранувањето на мувлата, бактерии кои може да се присутни на површината на оревите. Се верува дека потопувањето на оревите во вода со додадена сол или оцет помага во дезинфекција и чистење на оревите, намалувајќи го ризикот од болести предизвикани од храна.