Бифтек во сос од домати

Потребни состојки:

• 4 шницли од бифтек по 200гр
• лажица масло
• 30гр путер
• сол
• бибер

За сос:

• 4 мали домати (може и домат од конзерва)
• 30гр путер
• сол
• лук и кромид (во прав)
• риган
• шеќер
• 100гр павлака

Начин на подготовка:

Шницлите премачкајте ги со масло, па пржете ги на тава од двете страни по три-четири минути. Потоа додадете путер, додадете сол и бибер и оставете уште малку на загреаната тава. Кога ќе го извадите бифтекот, во сосот од пржење на месото, додадете путер за сос и домати веќе исецкани и исцедени. Зачинете со сол, лук и кромид во прав, риган и со малку шеќер. Додадете ја и павлаката, па поклопено динстајте четири минути. По потреба додадете уште зачини. Бифтекот сервирајте го со сос и украсете по желба.