Арета Френклин ќе пее на погребот на Витни Хјустон!

Кралицата на соул музиката Арета Френклин ќе пее на погребот на Витни Хјустон, кој ќе биде одржан во сабота и ќе биде емитуван во директен ТВ пренос и преку интернет, јавуваат американските медиуми.

Каралицата на соул музиката била многу потресена од веста за смртта на Витни Хјустон (48), на која и била кума.

“Не можам за тоа сега да зборувам. Тоа е многу шокантно и неверојатно”, била првата реакција на Арета Френклин на Facebook.

Како што дознаваме од американските медиуми, музчикиот продуцент и ментор на Витни, Клајв Дејвис лично ја замолил Арета да пее на погребот, на кој ќе присуствуваат уште неколку познати личности меѓу кои и пејачката Чака Кан.