Грчка алва

Состојки

За подлога:

150 гр сецкани ореви

За тесто:

4 јајца

Малку сол

4 лажици шеќер

220 гр гриз

1 кафена лажичка прашок за пециво

1 кафена лажичка цимет

100 мл масло

100 мл млеко

За прелив:

450 гр шеќер

Сок од половина лимон

Малку вода – до 150 мл

Подготовка:

Оревите се сецкаат, а може и со блендер.

Гризот се меша со прашокот за пециво и циметот.

Тепсијата со димензии 28х20 се подмачкува со маргарин и се обложува со хартија за печење.

Хартијата се мачка со маргарин, а на дното се ставаат сецкани ореви.

Тесто:

Се прави снег од белките со малку сол, се додава шеќер и се мати со миксер. Се додаваат една по една жолчките.

Додадете ги маслото, млекото и на крај мешавината од гриз и прашок за пециво, па изматете добро со миксер.

Смесата исипете ја врз сецканите ореви. Се пече во претходно загреана рерна на 190 степени, 20 минути.

Печеното тесто се превртува на тацна поросена со презла или мелени бисквити. Веднаш се сече на парчиња. Со лажица парчињата се префрлаат во тепсијата каде го печевте тестото.

Во сад додадете шеќер, сок од лимон и вода и варете на силен оган 5 минути за да добиете густ сируп.

Со врелиот сируп се попаруваат парчињата.