Рецепт за “лудо тесто“: Тестото што може да се користи неколку дена

Ќе ви претставиме рецепт за тесто што можете да го употребите за разни колачи или други јадења, а особено е корисно бидејќи може да стои неколку дена па да го користите кога ќе ви затреба. Варијанти има повеќе, но оваа е домашна и проверена.

Состојки:

1 кг брашно

1 свеж квасец

1 лажица шеќер

2 јајца

2 јогурти

1 прашок за пециво

½ л млеко

За слатко тесто 2 лажици шеќер

За солено тесто 2 лажички сол

Подготовка:

Најпрво во 2 дл топло млеко растворете го квасецот и лажица шеќер и оставете да нарасне.

Заедно измешајте го брашното, квасецот, јајцата, јогуртот, прашокот за пециво, остатокот од млекото и шеќер или сол по потреба.

Покријте со крпа и оставете половина час да нарасне на топло.

Тестото може да се чува во фрижидер до 7 дена, па затоа ставете го во намачкана со масло кеса но поголема бидејќи тестото уште ќе нарасне и добро врзете ја.

Вадете по потреба, кога ќе ви затреба.

Можете да правите и кифлички, така што дополнително ќе користите маргарин кој ќе го премачкувате во повеќе слоеви додека го месите тестото.

Некои од идеите за ова тесто се пица, кифли, погачици, крофни и што ли уште не…по желба.