Венчаници на Зухаир Мурад – пролет/лето 2015
Неговите креации се омилени меѓу холивудските ѕвезди, црвениот тепих не може да се замисли без неговите елегантни и раскошни фустани, а венчаниците се приказна сама за себе.
Зухаир Мурад постојно докажува дека е мајстор во светот на високата мода.
Либанскиот дизајнер е познат по малите детаљи, елеганцијата и гламурозноста.
Во 2012 креираше неверојатно смела венчаница која не секоја идна невеста ќе се осмели да ја облече.
Секоја сезона Мурад остава печат во светот на високата мода, како со прекрасните фустани, така и со колекциите на венчаници.
Најновата колекција венчаници за сезоната пролет/лето 2015 е уште еден доказ за неговата генијалност.
Колекцијата изработена од нежна чипка, свила, тул и фини провидни материјали наидува на воодушевување кај понежниот пол, а идните невести сигурно ќе добијат инспирација за тоа како треба да изгледа нивната венчаница од соништата.
Кога не можете да си ги дозволите овие уникатни и скапи креации, може барем да уживате во нив и секако, да „украдете” некоја идеја за вашата венчаница.
