Потребни состојки:
- 2 цвекла со средна големина
- 200гр. млад спанаќ
- 100гр. фета сирење
- 2 лажици масло за јадење
- 1 лажичка оцет
- 50 гр. Ореви
- Ситно сецкан копар
- 20 гр павлака
- Супа од зеленчук
- Сол и црн пипер
Пoдготовка:
Сварете ја супата од зеленчук, па тргнете ја од оган и оставете ја да се излади. Цвеклата ставете ги во голем лонец и врз нив истурете ја изладената супа. Варете ги цвеклата на тивок оган 20-25 минути, се додека не омекнат. Откако ќе се сварат, исцедете ги цвеклата и оставете ги целосно да се изладат.
Откако ќе се изладат, излупете ги цвеклата и исецкајте ги на тенки листови.
Во голема чинија за сервирање ставете ги листовите од младиот спанаќ, кои претходно добро сте ги измиле. Исецкајте ги оревите и растурете ги врз спанаќот. Потоа рамномерно додадете ги исецканото цвекло и фета сирењето, кое претходно сте го исецкале на коцкички.
Маслото за јадење, копарот оцетот и павлаката измешајте ги се додека сосот не се соедини. Наросете сол и црн пипер по желба, па сосот рамномерно полијте го врз салатата. Се надеваме дека ќе ви се допадне овој рустикален рецепт.