Потребни состојки:
- 2 главици кромид
- 2 килограми свински ребра
- 4 лажици сол
- 200 мл. Кечап
- 4 лажици сенф
- 4 лажици оцет
- 300 мл. црвено вино
- 2 лажици кафеав шеќер
- 2 лажици чили
- Сол и црн пипер
- Масло за јадење
- 2 лажици брашно
Припрема:
Во посебен сад измешајте ги брашното, солта и црниот пипер. Ребрата измијте ги и секое ребро прекријте го со смесата од брашно и зачини.
Во голема тава на оган загрејте маслиново масло и испржете ги ребрата, се додека не поруменат.
Во посебна тава на оган ставете го ситно сецканиот кромид, чилито, кечапот, оцетот, сефот и кафеавиот шеќер. Измешајте ја смесата и варете ја на тивок оган околу 2 минути, а потоа во тавата додајте ги и ребрата.
Издинстајте ги ребрата во сосот околу 5 минути, а потоа префрлете ги во тава за печење и прелијте ги со сосот. Печете 2 часа на температура од 160 степени целзиусови.
Ребрата треба да бидат добро испечени, па по потреба печете уште половина час. Извадете ги ребрата од рерна и послужете на чинија за сервирање со пире или гарнир по избор. Добар апетит!