Потребни состојки,
½ пакетче широки макарони
2 средно големи главици црвен кромид (исечени на прстени)
2 големи црвени пиперки (исечени на кругови)
1 лажица маслиново масло
Сол и бибер по вкус
250 гр.сецкан спанаќ
200 гр. рендан пармезан
1 рака сецкан свеж босилок (или 1 супена лажица сушен)
Начин на подготовка,
Сварете ги макароните според упатството. Откако ќе се сварат исцедете ги и сочувајте 1 чаша од водата во која се вареле макароните. Во меѓувреме загрејте го маслото на средна температура во грил тава и ставете ги кромидот и пиперките со малку сол и бибер да се пржат. Пржете го зеленчукот 8-10 минути со повремено мешање. Кога ќе се испржи извадете го зеленчикот на даска за сецкање и исечете го на помали парчиња.
Во сварените макарони ставете го грилуваниот зеленчук, сецканиот свеж спанаќ, половина од босилокот, половина од ренданиот пармезан и сочуваната чаша вода од варените макарони. Сето заедно се промешува да се соединат состојките.
Останатиот дел од пармезан и босилок се користи за декорација на порциите.