Велат дека морската храна делува како афродизијак. Пригответе го овој рецепт и испробајте дали е вистина 🙂
Потребни состојки:
1 кг. Школки
5 чешниња лук
200 гр. моцарела
2 лажици сецкан магданос
200 гр. путер
Припрема:
Исчистете ги школките и добро измијте ги со студена вода. Во тенџере на оган ваарете ги школките 4-6 минути, односно се додека не се отворат.
Извадете ги школките од тенџерето и отворете ги. Во посебен сад ставете го растопениот путер и ситно исецканиот лук. Од смесата нанесете врз секоја школка.
Наредете ги школките во тава за печење. Врз секоја школка изрендајте моцарела сирење. Ставете ги школките во претходно загреана рерна и оставете ги да се печат 10тина минути на температура од 160 степени целзиусови.
Освен како афродизијак за вечера, послужете ги школките и како дел од менито на вашите забави. Сигурно ќе усреќите некого!