Потребни состојки:
- 200гр бело чоколадо
- 50мл слатка павлака
- 2 јајца
- 90гр брашно
- 50гр шеќер
- 1 лажица путер
- 50гр црно чоколадо (70% какао)
За сос:
- 250гр малини
- 2-3 лажици шеќер
- 1 лажица густин
За подмачкување:
- Путер
- Брашно
Начин на подготовка:
Помешајте ги малините со шеќер, ставете на силен оган и варете неколку минути. Густинот помешајте го со 3 лажици ладна вода. Додадете го во малината и варете неколку минути. Тргнете од оган иисцедете за да се ослободите од семките. Оладете.
Загрејте ја рерната на 220С.
Помешајте го белото чоколадо, павлаката и путерот и загрејте на пареа за чоколадото да се стопи и смесата да се соедини. Посебно изматете ги јајцата со шеќерот. Во истопеното чоколадо, додадете изматени јајца и просеано брашно. Измешајте се за да нема грутки.
Калапите за суфле или калапи за мафини, добро подмачкајте ги со путер и посипете со брашно. Сипете од смесата, па додадете по коцка или две чоколадо. Печете 11 минути.
Извадете од рерна, оставете да одморат минута – две, па ставете ги на чинија и послужете веднаш со сос од малини.
