Целулитот се предизвикува поради оток на субдермални масни клетки, и доколку се притисне врз нив, се појавува сврзното ткиво кое ги држи клетките заедно. Колку помалку масти имаме, толку помалку целулитот ќе биде забележан. Пазарот е преполн со скапи креми, лосиони, инјекции, но овие производи не се вистинскиот избор да се ослободите од целулитот.
Јадете храна богата со влакнa
За намалување на целулитот потребна е детоксикација на вашето тело, особено на црниот дроб и дебелото црево, намалување на кофеин, никотин, сол и масти во вашиот организам. Исто така, треба да се пие големо количество на вода и да се јаде храна богата со хранливи материи како соја, боровинки и ореви. Тука влегува и зрнестата храна како ‘рж и просо. Тајната за намалување на целулитот е храна која е богата со растителни влакна и ниски масти. Потпрете се на овошјето, зеленчукот и житарките. Истовремено, треба да внесувате Б витамин и есенцијални масни киселини, како и да јадете кромид, кој верувајте, може да направи чуда во борбата против целулитот.
Редовно вежбајте
Редовното вежбање е друг домашен лек, кој е многу ефикасен за намалување на целулитот. Само неколку пати во неделата по неколку часа брзо одење, возење велосипед, качување по скали, јога или аеробик, многу брзо ќе ви го согори вишокот на масни клетки, кои се главна причина за развој на целулитот. Избегнувајте консумирање на алкохол, бидејќи тој го забавува дигестивниот процес и на тој начин телото полесно може да ги складира мастите.
Уживајте во масажите
Масажа околу местата кои се зафатени со целулит, исто така, може да помогне во зголемување на циркулацијата и разградување на масните клетки.