Американски новинар и уредник на “ABC”, Дон Енис (40) си го сменил полот и три месеци се облекувал како жена, си го сменил името во Дона Енис, носел перики и градник, пиел хормони и ги известил сите негови пријатели дека тој е трансвестит. Тој мислел дека е жена заробена во машко тело. Во тој период се развел од својата жена со која има три деца.
До следната промена на полот дошло кога Дон(a) два дена имал некоја врста на амнезија.
“Бев убеден дека е 1999 година. Мислев дека мојата сопруга ми подготвила некаква сурова шала со женската облека, перика, па дури направила и лажна лична карта на име Дона. Но, откако го тргнав градникот, ја пронајдов вистинската причина зашто воопшто го носев”, вели Дон откако открил дека тој има гради од хормоните што ги пиел.
Според него, кога конечно му се вратиле сите сеќавања, чувството дека тој е жена не се вратило.
“За среќа, спомените од последните 14 години се вратија. Но, тоа што не се врати е мојот идентите, односно чувството дека сум жена и дека се викам Дона. Ви пишувам да ве известам дека го менувам своето име во Дон Енис. Тоа ќе биде повторно моето име и така ќе остане”, вели тој во своето писмо.