Потребни намирници:
400 гр сирење што добро се сече
2 јајца
4 супени лажици пченкарно брашно
4 супени лажици сусам
1/3 кафена лажичка прашок за пециво
Масло за пржење
Сирењето се сече на триаголни парчиња со дебелина околи 1 см. Јајцата се бијат со вилушка и се мешаат со пченкарното брашно и прашокот за пециво плус половината од сусамот. Парчињата сирење се потопуваат во смесата после што се валкаат во преостанатиот сусам. Готовите парчиња треба да отстојат 10 минути во фрижидер. После тоа парчињата се пржат во обилно количество масло, барем 4 прсти, претходно добро загреано. Готовите сиренца се цедат врз хартиени салфетки. Се служи со свежа салата.