Изненадете ги домашните со овој брз, едноставен и вкусен чоколаден колач.Ова е рецепт за колач кој можете да го направите едноставно, следејќи ги упатствата. Само измешајте ги состојките, за што ќе ви бидат потребни пет минути, и печете.
Состојки:
1 чаша шеќер
1 чаша брашно
1 чаша мелени лешници или ореви
1 чаша кисела павлака
1/2 чаши какао во прав
1/2 чаши масло
1 прашок за пециво
4 јајца
Напомена: За мерка користете чаша од 2 дл.
Подготовка:
Сите состојки ставете ги во сад и изматете ги со миксер – јајца, шеќер, брашно, лешници, какао, павлака, масло, прашок за пециво и ванилин шеќер.
Сипете во помала длабока тепсија обложена со хартија за печење.
Печете на 170 °C , околу 45 минути.
На крајот украсете со чоколадна глазура или едноставно посипете шеќер во прав. И тоа е тоа.