Ова е сигурно најбрзиот и едноставен начин за подготовка на тесто за пица. Испробан е безброј пати и воодушевил многу читатели.
Состојки за тесто:
1 чаша ( од 2 дл.) јогурт
2 чаши брашно
2 лажици масло
1/2 лажички сол
1/2 прашок за пециво
Подготовка:
Од брашното, солта, прашокот за пециво, маслото и јогуртот, замесете тесто.
Тестото веднаш растегнете го на побрашена подлога, па ставете го во тепсија. Погледнете онлајн мени од некоја пицерија и ѕирнете ги состојките од одредени пици, а потоа експериментирајте со вкусовите, по желба.
Печете во рерна загреана на 220 степени, околу 10-на минути.