Состојки
За тестото:
- масло за готвење
- 6 јајца
- 340 гр шеќер
- 170 гр растопен путер
- ½ лажица мелена ванила
- 225 гр брашно
- 1 ½ лажица прашок за пециво
- 2 лажици млеко
За филот:
- 350 гр хопла
- 2 лажици шеќер во прав
- 3 големи зрели праски или праски од конзерва
- 1 зрела смоква (исечкана на четвртини за декорирање)
Начин на подготовка
Во огноотпорен сад ставете ги јајцата и шеќерот и мешајте за да добиете пенеста смеса. По неколку минути, кога кремот ќе биде готов тргнете го од оган.
Во кремот, мешајќи додадете го растопениот путер и ванилата. Потоа додадете го брашното и прашкот за пеиво, а на крај и млекото и продолжете да мешате додека не добиете еднолична смеса.
Загрејте ја рерната на 160 степени и премачкајте два мали калапи за печење (со дијаметар од околу 20 см). Тестото поделете го на два дела и ставете го во калапите. Печете околу 45 минути, додека тестото не се дигне и стане еластично на допир.
Оставете го тестото во калапот десетина минути по печењето, а потоа извадете го и исечете го на четири дела за да добиете четири листа тесто.
Изматете ја хоплата за да добиете крем, а потоа редете еден слој тесто, еден слој изматена хопла и еден слој праски исечкани на кругови.
Оставете го колачот да се излади и на крај украсете го со праските, смоквата и шеќерот во прав.