Потребни намирници за 2-3 порции:
6 пиперки
2 јајца
50 гр сирење
50 гр кашкавал
Бибер, босилек, шарена сол
По желба може да се додаде во смесата за полнење и кисели краставички, шунка, печурки
Презла
Тавата се мачка со масло. Јајцата се матат со вилушка и се мешаат со сирењето и половина од изренданиот кашкавал, па се додаваат и зачините. Пиперките се сечат по должината и се отвараат. После тоа се полнат со смесата и се затвараат повторно.
Се подредуваат во тавата, се поросуваат со презла и малку масло, па се печат околу 10-15 минути на 200 степени. Се вадат и се поросуваат со остатокот од ренданиот кашкавал. Се пече уште 10 минути додека се запече и кашкавалот.
