Состојки
- 450 г смрзнати (или свежи исчестени од семки) вишни
- 2 лажици шеќер
- 2 лажици брашно
- 2 лажици фино сечкан ѓумбир (по желба)
- 1/4 лажичка цимет
- малку сол
За кората:
- 6 лажици несолен путер
- 1 шолја брашно
- 2/3 шолја шеќер
- 1 прашок за пециво
- 1/4 лажичка сол
- рендана кора од лимон
Начин на подготовка
Во длабока тава за печење ставете ги вишните, и потоа додадете го шеќерот, брашното, ѓумбирот, циметот и солта. Убаво измешајте.
Во длабок сад ставете ги состојките за кората и со рацете мешајте за да добиете растресита смеса. Потоа распрскајте ја смесата рамномерно по вишните, за да ги покриете целосно.
Печете во рерна загреана на 200 степени, околу 30 до 35 минути, сè додека кората не добие златна нијанса.