Состојки
- 8 јајца
- 265 г шеќер
- 265 г Екстра бело брашно од Жито Лукс
- 265 г путер
- 100 г какао
- 2 лажички прашок за пециво
- 1 лажичка ванилин шеќер
За сируп:
- 200 г јагоди
- 100 г шеќер
- 2 дл вода
За фил:
- 200 г коцки чоколадо
- 4 дл шлаг
- 50 г шеќер
За декорација:
- ронки од чоколадо
- јагоди
- малини
- боровници
- какао прав
Начин за подготовка
Загрејте ја рерната на 180 степени. Одберете две еднакви тави, намачкајте ги со путер и наросете брашно. Мешајте ги путерот и шеќерот сè додека добро не се соединат. Додадете ги жолчките, млекото и ванилиниот шеќер и повторно добро промешајте. Во нов сад мешајте ги белките се додека не се направи густа бела пена, а потоа додете ги во веќе направената смеса. Смесата поделете ја во тавите и ставете ја во претходно загреаната рерна да се пече од 25 до 30 минути и потоа оставете ја да се излади.
За сирупот:
Ставете ги јагодите, шеќерот и водата во тава и оставете ги да вријат 10 минути, потоа исцедете го сирупот и оставете да се излади.
За филот:
Стопете ги чоколадото и 2 децилитри од шлагот заедно на пареа и добро промешајте ги. Добро измешајте ги преостанатиот шлаг и шеќерот.
Откако сите состојки се подготвени, се започнува со редење на тортата. На тацна, ставете еден дел од испеченото тесто и прелијте го со сирупот. Потоа премачкајте го тестото со филот од чоколадо. Ставете го другиот дел од тестото одозгора и додајте го преостанатиот сируп. Премачкајте ја целата торта со шлаг и наросете ги ронките чоколадо и какаото во прав. Декорирајте дополнително со јагоди, малини и боровници. Оставете ја тортата да се излади околу половина час, оставајки простор да го впие сирупот со што подолго ќе остане мека и сочна.
